October 27, 2020 11:01
Магазин

Дизни ја одложува премиерата на „Црна вдовица“

„Волт Дизни ко“ во средата го одложи премиерното прикажување на суперхеројскиот филм „Црна вдовица“ како и „Приказна од западната страна“ на Стивен Спилберг до 2021 година, што претставува нов удар за кино-операторите кои се надеваат дека ќе има наплив на љубители на филм до крајот на годината.

Овие два филма беа меѓу најголемите наслови што останаа на холивудскиот распоред за 2020 година. „Црна вдовица“ (Black Widow) е одложена за шест месеци до мај 2021 година, а „Приказна од западната страна“ (West Side Story) – филмска верзија на бродвејскиoт мјузикл – за една година до декември 2021 година.