Свет

Демонстрантите во Судан бараат распуштање на Привремениот воен совет

Лидерите на протестите во Судан побараа распуштање на Воениот совет, кој на власт дојде минатата недела, оценувајќи оти треба да биде заменет со цивилна инситуција.

– Сакаме распуштање на Воениот совет и негова замена со цивилен совет во кој ќе има и воени претставници, изјави Мухамед Наџи од Здружението на суданските професионалци, кое ги предводеше протестите во Судан.

Армијата на Судан минатата недела по повеќемесечните антивладини протести, го смени претседателот Омар ал Башир, а со земјата раководи Привремен воен совет.

За шеф на Привремениот воен совет назначен е суданскиот министер за одбрана Ахмед Авад Ибн Ауф. Тој најави дека за две години во Судан ќе бидат одржани „слободни и фер избори”.

Протестите во Судан почнаа во декември поради лошата економска состојба во земјата, но набрзо се претворија во израз на општо незадоволство од 30-годинешното владеење на Ал Башир.

Нови вести

Остри критики за новиот Брегзит план на Тереза Меј

Igor

Лидери на ЕУ бараат од Меркел да се кандидира за претседател на Европскиот совет

Daniela

Автобус со руски туристи се преврти во Италија, загина едно лице

Igor