December 9, 2018 20:47
Економија

Дебата за даночната реформа во Собранието: Рамниот данок им оди во прилог само на богатите

Рамниот данок не даде ниту еден од очекуваните ефекти. Тој им оди во прилог само на најбогатите. Ова беше истакнато на јавната дебата за даночната реформа во Собранието на Република Македонија, на која учествуваа министерот за финансии Драган Тевдовски, пратеници, поранешни министри, експертска јавност и претставници на бизнис секторот.

Министерот за финансии Тевдовски на дебатата ја истакна потребата од воведување на праведен систем на оданочување.

– Најдоховните  еден отсто граѓани имаат вкупна ефективна даночна стапка која е пониска од онаа на останатите. Затоа, прагот за прогресивното оданочување е поставен за да ја опфати токму оваа група граѓани. Рамниот данок им оди во прилог на богатите. Со воведување на рамниот данок само се зголемуваше учеството на богатите во вкупниот доход, рече Тевдовски.

Поддршка за даночната реформа дадоа и поранешните министри Никола Поповски, Петар Гошев и Абдулменаф Беџети.

ЕУ вели дека даночниот товар е 40%, а во еврозоната 42%. Србија и Хрватска имаат 46%, 47% даночен товар. Ние имаме помал даночен товар. Ваквата поставеност креира дефицит. Преку тоа се креира јавен долг, рече Никола Поповски, универзитетски професор и поранешен министер за финансии.

Петар Гошев, поранешен министер за финансии смета дека рамниот данок не го забрза развојот, бидејќи во минатото стапката на раст била 4,2 отсто, а по воведувањето на рамниот данок е 2,6 проценти па рамниот данок не донесе раст, туку огромен јавен долг.

-Инвестициите не се зголемија благодарение на рамниот данок, немаше раст на БДП како што беше очекувано. Не беа постигнати очекуваните ефекти во ниту еден сегмент. Ние имаме регресивен даночен систем. Најмногу буџетот се полни од сиромашните и од средната класа – рече Абдулменаф Беџети, академик и поранешен министер за развој. 

Даночната реформа предвидува воведување на дополнителна стапка од 8% за делот од доходот кој надминува 90.000 денари месечно. Ова значи дека за доходот до 90.000 денари месечно, данокот би останал 10% како и до сега, додека само на делот на доходот кој надминува 90.000 денари, би се плаќале дополнителни 8%. Со ова, за мнозинството граѓани даночната стапка ќе остане иста, 10%

Related posts

Едукативна игра на НБРМ за финансиска писменост кај младите

Filip

Веб-апликацијата за „Граѓански буџет“ достапна за граѓаните

Valentina

Околу 120.000 луѓе во „Сити мол“ за Black Friday

Valentina