January 16, 2019 00:58
Македонија

Грчкото до руското МНР: Договорот од Преспа е меѓународно признат модел за решавање на разликите меѓу две независни држави

Договорот од Преспа уште од потпишувањето придонесува во зајакнувањето на мирот и стабилноста на Балканот, воедно е и меѓународно признат модел за решавање на разликите меѓу две независни суверени држави под покровителство на ОН, без мешање на трети страни, соопштуваат од Министерството за надворешни работи во реакцијата по соопштението на руското МНР во врска со Договорот од Преспа, јави дописничката на МИА од Атина.

-Нашите меѓународни партнери се повикани да го почитуваат духот и содржината на договорот и да го поздрават фактот што политичките раководства на двете земји ја покажаа неопходната политичка храброст за да стигнат до решение за едно особено тешко прашање, во исто време бранејќи ги нивните национални интереси, соопштуваат од грчкото МНР.

Тие изразуваат уверување дека Русија „ќе ја почитува чувствителноста на грчкиот народ во однос на употребата на името Македонија”, и од сега па натаму за земјата ќе го користи „новото уставно име, односно Северна Македонија”.

И што е најважно, ќе се дистанцираат од слични изјави кои што се мешање во внатрешноста на Грција, велат од грчкото МНР и одговараат и на делот од соопштението од Министерството за надворешни работи на Русија поврзано со внатрешно-политичките случувања во Грција.

-Споменување на политички случувања во внатрешноста на земји пријатели од руското Министерство за надворешни работи не е во согласност со нивото кое ги карактеризира грчко-руските односи и трајните врски на пријателство меѓу нашите народи, велат од Министерството за надворешни работи на Грција и додаваат дека ова создава „разумна загриженост бидејќи го занемарува одреденото со закони и ефективното демократско функционирање на институциите во Грција и на Уставот во кој има јасни одредби” за справување со секакви можни случаи и „секако не е сфера за коментари од страна трети страни”.

Related posts

Унгарски медиуми: Законот е сменет, унгарската влада треба Груевски веднаш да го врати назад

Igor

Миленко на 17 јануари ќе седне на обвинителна клупа за ширење расистички и ксенофобичен материјал на интернет

Ivona

(ВИДЕО)СО БЕСПИЛОТНО ЛЕТАЛО ВО БОРБА ПРОТИВ ЗАГАДУВАЊЕТО!СКОПЈЕ

admin