November 29, 2022 06:18
Македонија

Груби од Заев има „бомби“ за Ахмети, со нив го држи заробен

Ахмети е заробен од Груби, затоа мора да го брани, поседува бомби што ги добил од Заев, па сега Ахмети е врзан, ова според порнешниот министер за финансии и аналитичар Џевдет Хајредини е причина за благонаклонетоста на Ахмети кон вицепремиерот Артан Груби, во време кога дел од членството на ДУИ се крена против Груби.

Хајредини за „Алфа“ ги толкува пораките на Ахмети, кој нагласи дека ДУИ може без секого и без Ахмети, ама не го издвои т.н. прв вицепремиер.

„Симптоматично е и што Али Ахмети не вика дека ДУИ може и без Артан Груби. Можеби тоа му е лапсуз, меѓутоа, има факти кои збортуваат дека тоа не е случајност, затоа што, од она што е познато, Артан Груби по вина на Зоран Заев располага со т.н. „бомби“, кои се се забранети со закон. Али Ахмети избегнува да го спомне, затоа што и тој самиот е заложник на Груби“ – истакна Хајредини

Тој додава и дека преслушкуваните разговори кои ги поседувал Груби му дозволиле да се стекне со, како што вели, против-уставната функција прв-заменик премиер.

„Артан Груби затоа што располагаше со такви адути, успеа да се избори за позиција „прв заменик“ – што го нема во ниту еден закон или во уставот. Во уставот нема ниту заменик премиер. Уставниот суд тоа го забрани. А тој, како што му одговара, да биде прв и да не работи ништо од она за кое е платен, а да работи за тоа што не е платен“ – додаде Хајредини.