August 18, 2019 21:48
Магазин

Гости по грешка биле послужени со вино од 4 и пол илјади фунти

Келнер од Манчестер по грешка на еден гостин му сервирал шише со вино кое чини 4.500 фунти (5.144 евра) , објавија од ресторанот „Хауксмур Манчестер“ на „Твитер“, без да прецизираат по која цена ова вино им било наплатено на гостите.

Од таму додаваат оти се надеваат дека гостите уживале во вечерата за време на која по грешка биле послужени со ексклузивното вино „Шато ле Пин померол“ старо 18 години, пренесува Би-би-си.

Од ресторанот на својот келнер му порачале дека разбираат оти грешки се случуваат и дека без разлика на се и понатаму го сакаат.

Објавата на „Твитер“ предизвика бурни реакции кај корисниците – едни го фалеа раководството на ресторанот бидејќи не биле строги кон келнерот кој направил грешка, додека други се пошегувале дека мора да го посетат Манчестер.

Според интернет водичот за вино „Култни вина“ во светот се произведени само 500 кутии од ова вино, кое се опишува како пијалак во кој е вложено многу внимание и напор со цел да се добие длабоко црвена-сино-пурпурна боја, проследена со извонреден мирис на ликер од цреши, сливи, карамели и сладок корен.

Нови вести

Руските сателити наскоро ќе бидат невидливи од Земјата

Igor

Топењето на Гренланд го достигна нивото предвидено за 2070 година

Igor

Водата на Аљаска е толку топла што веќе ни рибите не можат да издржат

Igor