June 26, 2022 03:30
Спорт

Гостивар и Пелистер битката од паркетот ја продолжија со соопштенија

Во очекување на потегот од комесарот во Кошаркарската федерација на Македонија, Александар Милојевиќ за инцидентот во Гостивар каде мечот со Пелистер траеше 200 минути и на крајот го доби гостинот од Битола (84:89) двете екипи битката од паркетот ја преселија во медиумите со соопштенија за тоа кој е виновникот за несаканите сцени. Првенството продолжува веќе задутре и се очекува експресна рекација од КФМ, бидејќи Гостивар повторно е домаќин овојпат на уште еден претендент за титулата, МЗТ Скопје. Прекинот на мечот и празнењето на трибината беа последица на удирање со тврд предмет на тренерот на битолчани, Марјан Илиевски.

За непријатните сцени во салата „Младост“ први се огласија од Гостивар.

-Ги осудуваме вчерашните настани, кои немаат допирна точка со кошарката. На многу натпревари имало и ќе има спортско и неспортско навивање, но ретко имало случај каде гостинските играчи се пресметувале физички и вербално со публика и членови на домашниот тим. Овие настани доведоа до прекин на натпреварот при водство на нашиот тим. Благодарение на брзата и професионална интервенција на полицијата се спречи инцидент од поголеми размери. Оставаме на КФМ да ја реши ситуацијата во интерес на спортот и со тоа се надеваме дека во иднина нема да бидеме сведоци на вакви немили настани, велат од Гостивар.

Возвратија експресно од Битола.

-По постојаните непристојни провокации, вулгарни дофрлувања, фрлања на предмети од трибините во текот на целиот натпревар и дополнително на тоа неспортски провокации од клупата и кошаркарите на Гостивар кон нашите кошаркари, во финишот од натпреварот се случи ескалација на зовриената атмосфера и немилиот настан ескалира. Нашата екипа беше нападната од сите страни, гаѓани со секаков вид на тврди предмети и во тој хаос секој се снаоѓаше како знае и умее. За жал најмногу настрада тренерот Илиевски, кој беше погоден со тврд предмет во главата. Судиите професионално ја изменаџираа деликатната ситуација, за која што ние како клуб максимално дадовме поддршка, а се во интерес на кошарката, откако се овозможија услови натпреварот да продолжи. Најостро го осудуваме инцидентот и неспортското навивање со постојано фрлање предмети на теренот и лично заканување кон кошаркарите од страна на публиката. Се надеваме дека во иднина вакви ситуации нема да се случуваат и вистинските љубители на кошарката ќе уживаат во преостанатиот дел од возбудливото првенство на Македонија, се вели во соопштението на битолчани.

Go88 - Game bài đổi thưởng uy tín nhất hiện nay

sunwin mới code sunwin sunwin apk