January 16, 2019 01:16
Свет

Германецот уапсен за протекување информации бил бесен на политичарите

Притворениот 20-годишен Германец поради кражба на податоци од големи размери им рекол на истражителите дека дејствувал самостојно и оти бил бесен поради изјавите на политичарите, новинарите и други јавни личности, чии податоци ги открил, соопшти денеска германската Канцеларија на федералната криминалистичка полиција (БКА).

Германската јавност во петокот беше погодена со информацијата дека бројни приватни телефони, фотографии и пораки на политичари и јавни личности се објавени на интернет преку Твитер налог.

Огромното количество податоци што беше објавено на интеренет се однесува на приватна коресподенција на стотици политичари на сите нивоа, но и некои јавни личност и и новинари.
„За време на испитувањето, обвинетиот изјави дека дејствувал самостојно при шпионирањето податоци и неовластено објавување податоци”, се наведува во соопштението од БКА.
Осомничениот рекол дека не бил свесен за размерот на последиците од сопствените постапки.
БКА извршила претрес на станот на осомничениот 20-годишник од покраината Хесен, но не се соопштени дополнителни информации.

Дојче веле наведува дека меѓу речиси 1.000 лица погодени од нападот се и германскиот претседател Франк-Валтер Штајнмаер, канцеларката Ангела меркел, новата претседателка на Христијанско-демократската унија Анегрет Крамп-Каренбауер и шефицата на Социјалдемократската партија на Германија Андреа Алес. Медиумите наведуваат дека се објавени податоци на пратеници од сите партии, освен ултрадесничарската Алтернатива за Германија.

Related posts

Бурунди нареди затворање на канцеларијата на ОН во земјата

Valentina

Ако имате пари може да си купите легално пасош од овие земји

24news

Меркел: Нема воено решение за украинската криза

Ivona