November 21, 2019 07:46
Македонија

Во хируршкото одделение во Струга заболени девет здравствени работници од морбили

Во хируршкото одделение во Општата болница Струга се заболени 16 отсто од вработнеите, односно девет од вкупно 56 здравствени работници кои работат на ова одделение, додека пет имаат прележано и се на своето работно место.

Ова го соопшти заменик министерот д-р Асим Муса откако во медиумите излезе информација дека одделението е затворено поради заболување на 50 отсто од медицинскиот персонал од морбили.

Тој додде дека во Општата болница, 70 отсто од вработените се вакцинирани и најави дека оние кои не се вакцинирани ќе бидат вакцинирани во најкраток период со МРП вакцина.

Во соопштението од Министерството за здравство се наведува дека хируршкото одделение ќе биде затворено една недела, а пациентите и понатаму ќе ја имаат потребната неопходна здравствена заштита. Тие ќе бидат испраќани во Охрид и Битола.

Од почетокот на епидемијата до сега, во Центрите за јавно здравје, дополнително се вакцинирани вкупно 1.780 лица, од нив повеќе од 65 отсто се здравствени работници, студенти и ученици во средните медицински училишта, останатите се контакти и лица над 14-годишна возраст.

Вкупниот број на вакцинирани лица на возраст до 14 години со МРП вакцина од почетокот на епидемијата изнесува 25.808.

-Вакцинацијата е единствената мерка за спречување на ширење на епидемијата од морбили и подигнување на колективниот имунитет, истакнуваат од Министерството.

Нови вести

Јанушев: Власта се плаши Катица Јанева да не каже нешто што не треба да го каже

Igor

(ВИДЕО) Мицкоски прозборе бугарски пред Борисов и го поддржа Договорот со Бугарија

Igor

Јане Велковски се запозна со Дејвид Бекам на самитот на Светскиот ден на децата

Filip