January 29, 2023 12:48
Свет

Во Нигерија 13 лица се киднапирани по напад врз џамијата

Вооружени напаѓачи кои нападнаа џамија во северозападна Нигерија во саботата навечер, киднапирале 13 лица кои се молеа во богослужбата, соопшти синоќа локалната полиција.

Напаѓачите киднапирале 19 верници, го раниле имамот и уште еден верник, соопшти полицијата и додава дека успеала да ослободи шест верници, но 13 верници останале во рацете на напаѓачите.

Криминални банди дејствуваат во северозападна и централна Нигерија, каде што го тероризираат населението, напаѓаат и ограбуваат села и убиваат селани.

Овие вооружени групи, исто така, киднапираат луѓе за откуп, но ретко напаѓаат места за богослужба, туку повеќе се насочени кон училишта и патнички возила.