December 9, 2018 20:46
Свет

Во Канада уапсена финансиската директорка на „Хуавеј”

Потпретседателката и главна финансиска директорка на „Хуавеј”, Менг Ванжу е уапсена на 1 декември во Канада, објавија денеска американските медиуми.

Менг, која е ќерка на основачот на кинеската компанија „Хуавеј”, Рен Женгфеи, е уапсена поради наводно кршење на американските санкции и и се заканува екстрадиција во САД.

Во САД уште од 2016 година е покрената истрага против компанијата „Хуавеј” поради наводен извоз во Иран на производи кои потекнуваат од САД. Компанијата преку соопштение го потврди апсењето на Менг, истакнувајќи дека не е јасен прекршокот поради кој е уапсена потпретседателката на Хуавеј.

– Немаме никакви сознание дека Менг сторила казниво дело.

Амбасадата на Кина во Канада побара Менг да биде ослободена.

Апсењето на Менг се случи во „чуден момент”, бидејќи американскиот и кинескиот претседател, Доналд Трамп и Си Џинпинг неколку дена претходно најавија 90-дневно „примирје” во трговската војна. Апсењето на Менг би можело да ги закомплицира трговските преговори помеѓу Пекинг и Вашингтон.

За САД, „Хуавеј” и другите кинески компании се можен параван за кинеска шпионажа.

Related posts

(Видео) Сообраќајна несреќа во Австралија, камион виси од мост

24news

Бездомник стана херој: Со количка за пазарање му се спротивстави на терористот, па му следуваше убава награда

24news

88 луѓе загинаа во пожарите во Калифорнија, 196 и натаму се водат за исчезнати

Valentina