Свет

Во затвор во Тенеси извршена смртна казна со електричен стол

Осуден убиец, кој поминал повеќе од 36 години во затвор чекајќи смртна казна, својата смрт ја дочека вчера на електричен стол во Тенеси. Ова е втора егзекуција со електричен стол во оваа американска сојузна држава за само пет недели.

Дејвид Милер (61) е прогласен за мртов во 19.25 часот по локално време во затворот со максимална безбедност „Ривербенд“ во Нешвил.

Милер се наоѓал во затворот од 1982 година и од тогаш ја чекал егзекуцијата, откако бил осуден на смрт поради убиство на 23-годишна жена во 1981 година. Американскиот врховен суд претходно го одбил неговото последно барање за помилување.

Пред пет недели во Тенеси, за прв пат од 2007 година, беше извршена егзекуција со електричен стол на осуденикот на двојно убиство, Едмонд Загорски. Според судските податоци, тој одбрал електричен стол бидејќи сметал дека ќе биде помалку болно од смртоносна инекција.

Нови вести

Зариф до Трамп: Обидете се со почитување – тоа успева

Daniela

Американски обвинители запленуваат лични работи на Асанж од Амбасадата на Еквадор

Daniela

Протести на таксистите, сопствениците на автошколи и Брзата помош во Франција

Valentina