April 21, 2019 08:43
Магазин

Во Дубаи истрчан најдолгиот пустински ултрамаратон

Популарноста на ултрамаратоните на светско ниво сè повеќе расте, според Стив Дидрих, основачот на глобалната база на податоци за маратони „Ран ултра“.

Тој истакнува дека пред 12 години во базата биле запишани 60 вакви настани, а денес нивниот број изнесува меѓу 2.200 и 2.300.

Маратонот „Дес Саблес“ во западниот дел на пустината Сахара со години се смета за најдобриот ултрамаратон, како и еден од најдолгите со 250 километри. Но, минатиот месец се појави и уште подолга трка во пустината во Дубаи.

Ултрамаратонот „Ал Мармум“ со своите 270 километри е најдолгиот во светот. Минатиот месец 19 маратонци ја истрчаа оваа должина за 5 дена на температури од 35 Целзиусови степени. Победник беше Мароканецот Рашид Ел-Морабити, шесткратен победник на „Дес Саблес“, кој го истрча ултрамаратонот за 31 час и 17 минути.

Менаџерот на трката, Оле Бром, беше задолжен за здравјето на маратонците кои трчаа на екстремни услови во пустината. Натпреварувачите носеле уреди за следење и пумпи со противотров во случај на каснување од змија.

Сепак, маратонот имал и свои позитивни страни, велат натпреварувачите, кои ја опишуваат глетката како магична.

Нови вести

Чудо на уништениот покрив на Нотр Дам: Над 200.000 пчели ја преживеале стихијата

Igor

Адел се разведе по три години брак со бизнисменот Конецки

Igor

Брена изгубила куфер полн со пари на аеродромот во Белград

Igor