August 17, 2022 16:35
Балкан

Во Бугарија почна проверката на патиштата и магистралните патишта

Во бугарското Врховното управно обвинителство (ВАП) е отворено досие за тешката сообраќајна несреќа на автопатот Струма, во која загинаа граѓани на Северна Македонија.

Согласно наредба на јавниот обвинител, ВАП ги ангажираше Министерството за регионален развој и јавни работи (МРРБ) и Државната агенција за безбедност на патиштата (ДАБДП) да извршат итна проверка на знаците, ознаките на сите патишта во Бугарија со цел да се исполнат сите барања за континуиран, безбеден и удобен сообраќај.

Проверката на патиштата ќе ја вршат овластени бугарски и меѓународни експерти, а ќе бидат побарани и целосни податоци од невладините организации активни на полето безбедноста во сообраќајот.

Резултатите од инспекцијата треба да се сумираат во извештај што ќе биде испратен до ВАП. Извештајот треба да содржи дали има непочитување на важечките правила, конкретните мерки и дејствија преземени за отстранување на кршење на законот и последиците од тоа, како и информации за санкционирање на сторителите.

Во случај при увидот да се утврдат податоци за кривични дела од општ карактер, тие задолжително се испраќаат до надлежните обвинителства и до  Министерството за внатрешни работи.