August 22, 2019 09:34
Македонија

ВМРО-ДПМНЕ: СДСМ за само една години го зголеми јавниот долг нa над 5.2 милијарди евра

Граѓаните чекаат СДСМ да се охрабри и да излезе на предвремени парламентарни избори. Никој повеќе во државата не може да го игнорира расипништвото и арамилакот на власта. Потребно е СДСМ да си замине, порача ВМРО-ДПМНЕ.

„Власта која за само една година ја задолжи државата и идните генерации за нови 450 милиони евра, а притоа нема ниту една позначајна капитална инвестиција, не може да ја води Република Македонија напред, туку само назад.

СДСМ за само една години со своето расипништво го зголеми јавниот долг нa над 5.2 милијарди евра, пари кои ќе треба да ги враќаат идните генерации.
Власта треба да одговори на што се потрошени овие пари, кога нивото на реализација на капитални инвестиции е на рекордно најниско ниво од очајни 65%?
Лудилото не запира тука. Власта сега лаже и вели дека ќе изгради нов Клинички центар за 480 милиони евра.

Власта која поништи веќе готов проект со обезбедени пари за Клинички центар кој ќе ја чинеше државата 4 пати помалку или 120 милиони евра, сега манипулира со 4 пати повисока сума, за проект чиј старт е неизвесен.

Доколку СДСМ не го прекинеше проектот за изградба на ВМРО-ДПМНЕ до сега истиот ќе беше до половина реализиран, а неговото пуштање во употреба ќе беше за две години од сега. Поради СДСМ се ова е прекинато и нов Клинички нема, а тешко дека во догледно време и ќе има, стои во партиското соопштение.

Нови вести

Јанева од Шутка со полициска придружба ќе замине на погребот на нејзината мајка

Daniela

Законски нејаснотии кој ќе управува со СЈО по приведувањето на Јанева

Daniela

Во Кривичен судење за „Монструм”

Daniela