February 24, 2019 04:40
Македонија

ВМРО-ДПМНЕ: Продолжуваат масовните вработувања во јавните претпријатија во Охрид

СДСМ и в.д градоначалникот Константин Георгиески спроведуваат чиста изборна корупција и поткуп на гласачи, обвини Перчо Божиновски шеф на центар за комуникации на ВМРО-ДПМНЕ ОК Охрид.

„На денот кога се распишаа претседателските и локалните избори се случува брутална партизација. Уште пред да почне изборниот процес истиот е деградиран. Масовното вработување во јавните претпријатија непосредно пред локалните избори го имавме минатиот месец со 70 вработувања, а сега со над 25 нови во ЈП „Проаква“ и над 15 нови во другите јавни претпријатија“ рече Перчовски.

Тој го повика Георгиески да одговори дали заедно со директорите спроведуваат брутална партизација во јавните претпријатија?

„СДСМ и Георгиески пред да дојдат на власт кажуваа дека администрацијата и јавните претпријатија се преполни. Ветуваа дека нема да има партиски вработувања, туку еднаков пристап на секој граѓанин до секое работно место, за сега да гледаме како администрацијата и јавните претпријатија се полнат со партиски лица од СДСМ.
Кога лажеа повеќе, тогаш кога ги уверуваа охриѓани дека има превработеност или сега откако веќе една година е зголемена цената на вода за да се плаќаат новите партиски вработувања со парите на граѓаните?“ истакна Перчовски.

Ова е уште еден доказ, нагласи тој, дека СДСМ нема намера да реализира ниту еден проект, туку само ги интересира криминал. Го повика Георгиески да се одважи од партиските наредби и да застане на страна на сите граѓани на Охрид.

Related posts

Мицотакис: Оној што гласа „за” го отвора патот за наводните македонски идентитет и јазик

Filip

Заев: Датумот за ЕУ и покана за НАТО потребни мотивирачки пораки

24info

Идентитетот не е спорен, остануваат името и опсегот на употреба

24news