June 27, 2019 10:50
Македонија

ВМРО-ДПМНЕ: Македонската економија го допре дното со СДСМ на власт

Со СДСМ на власт македонската економија крахираше и го допре дното, реагира ВМРО-ДПМНЕ.

Опозициската партија вели дека во време кога државите од регионот и Европа доживуваат ренесанса, Македонија има најниски плати и БДП од мизерни 2,05 проценти.

„Бедата која ја донесе СДСМ од ден на ден се повеќе расте. Над 500.000 граѓани живеат под прагот на сиромаштијата додека власта се дави во сопствениот непотизам вработувајќи си ги најблиските во државни институции за плати кои обичните граѓани само ги сонуваат. Наместо да го остварат ветувањето дека нема да се задолжуваат тие го направија спротивното и почнаа секојдневно да ја задолжуваат државата и граѓаните и поради нивното расипништво јавниот долг надмина 5 милијарди евра што за прв пат ја надмина психолошката граница од 50 проценти“, се наведува во реакцијата на ВМРО-ДПМНЕ.

Пртијата додава дека во јануари биле реализирани само 1 процент од капиталните инвестиции кои ги проектирала власта. Странските инвеститори почнаа да ја избегнуваат Македонија, велат од ВМРО-ДПМНЕ, а единствена светла точка во економијата со која што се фалат се инвестициите на претходната Влада.

„Подобар стандард и иднина за граѓаните не се носи со криминал, корупција, непотизам и повисоки даноци. Подобар стандард несе носи ниту со заробено правосудство, креирање страв и политички прогон. СДСМ ја зароби и крахира државата. Република Македонија има потреба од функционална правна држава, која единствено ќе дојде доколку си замине овој криминален картел на СДСМ. Токму затоа потребна е победа на Гордана Силјановска Давкова на претседателските избори што ќе биде вовед во предвремени парламентарни избори за конечно бедата на СДСМ да замине во историјата“, додава ВМРО-ДПМНЕ.

Нови вести

Регистар на дивоградби во Охрид: Во заштитениот појас 409 нелегални предмети

Valentina

Димитров читал писма од Делчев пред средбата во Софија

Igor

УЈП ја блокирала сметката на 1ТВ?

Igor