December 6, 2022 21:02
Македонија

ВМРО-ДПМНЕ: За четири години долгот на Град Скопје е зголемен за 8.5 пати

Скопје, 15 јуни 2021

Шилегов за 4 години го зголеми долгот на Скопје за 8.5 пати, а не направи ништо, само врши набавки по дупли цени.

Петре Шилегов за 4 години колку што е градоначалник не направи ништо, тој не успеа ниту да почне еден свој капитален проект, по кој ќе можат идните генерации да се сеќаваат на него. На Шилегов сите ќе се сеќаваат по тоа дека е единствениот градоначалник во Скопје кој не направил ништо.

8.5 пати е зголемен долгот. Градот е задолжен, а никој не знае за што и како се потрошени овие пари.

Во истовреме Шилегов само се расфрла за набавки на ствари и услуги кои ги плаќа двојно и тројно поскапо.

Шилегов само со една набавка, таа на противпожарното возило со скала потроши 900.000 евра повеќе од тоа што троши град Загреб.

Само со една набавка Шилегов им зема 1 милион евра на скопјани.

Иста е постапката и со набавката на клупи со 7 даски за 500 евра.

Шилегов воопшто не размислува како ги троши парите на скопјани. Трошејќи се заборавил, па троши и од парите на идните генерации.

4 години Шилегов, 4 години украден живот. Доста е!

Центар за комуникации на ВМРО-ДПМНЕ

___________________________________________________________
МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.