January 20, 2021 15:13
Спорт

Вилаш-Боаш предложи да се повлече бројот 10 кај сите тимови во спомен на Марадона

Тренерот на Марсеј, Андре Вилаш-Боаш предложи начин да се овековечи споменот на починатиот поранешен аргентински фудбалски репрезентативец Диего Марадона.

– Смртта на Марадона е многу лоша вест. Тешки вести. Би сакал ФИФА да го повлече бројот 10 од оптек на сите турнири, во сите екипи. Ова би била најголемата чест што би можеле да ја дадеме. Смртта на Марадона е неверојатна загуба за светскиот фудбал, рече Вилаш-Боаш.

„Десетката” веќе е повлечена од оптек во Наполи, каде Марадона играше од 1984 до 1991 година и му донесе титули на клубот.