August 15, 2020 16:20
Магазин

(Видео) Отповикан амбасадор поради обид да украде книга

Мексико го отповика својот амбасадор во Аргентина откако се појави видео снимка која наводно покажува дека тој се обидел да украде книга од една книжарница во Буенос Аирес.

На амбасадорот Оскар Рикардо Валеро Ресио Бекера му е „наложено да се врати дома“, истакна мексиканскиот секретар за надворешни работи Марсело Ебрард, пренесе „АП“.

Дипломатот, како што се наведува, ќе биде предмет на истрага од етичката комисија.

„Доколку се утврди дека амбасадорот ја украл книгата, тој ќе добие отказ“, изјави Ебрард, укажувајќи на нулта толеранција за нечесно однесување.

По овој повод се огласи и мексиканскиот претседател Андрес Мануел Лопез Обрадор, кој смета дека инцидентот „е за жалење“, но предупреди да не се носат прерано заклучоци.