August 25, 2019 09:27
Македонија

(Видео) Мицкоски во Брисел: На соговорниците им објаснив дека Заев сака да ги украде претседателските избори

Делегација на ВМРО-ДПМНЕ предводена од претседателот на партијата, Христијан Мицкоски, придружуван од потпретседателот Александар Николоски и секретарот за меѓународна соработка, Тимчо Муцунски, денеска и утре се дел од политичкото собрание организирано од Европската Народната партија во Брисел во рамките на Европскиот парламент.

Мицкоски на маргините на политичкото собрание оствари повеќе разговори и билатерални средби меѓу кој и со eвропратениците, Едвард Кукан и Милан Звер.

„Имав можност да ги запознаам моите соговорници за сите оние неуспеси во Република Македонија, за вистинската реалност и секојдневие во Република Македонија, во економијата, во образованието, за сите оние криминалии во здравството за сите оние криминални иновации кои што ни беа секојдневие во изминатиот период. Но, она што најмногу ги загрижи моите соговорници, мене но и сите граѓани во Република Македонија е практично е што Република Македонија повеќе не е правна држава и Република Македонија не е држава во која што владее правото. Практично, се тргува со правото и правдината за реализирање на политички амбиции“, истакна лидерот на опозициската партија.

Мицкоски посочи дека има основани сомневања дека ваквото владеење на власта може да резултира со нерегуларности и фалсификување на претстојните избори.

„Ги запознав моите соговорници за нашите стравувања дека Зоран Заев бегајќи од предвремени избори сака да ги украде претседателските избори, односно истовремено сето она кое што се случуваше изминатиот период да биде определен вид доказ за неговите намери да ги украде претседателските избори. Организирањето на фер избори мора да стане услов за напредок на европските интеграции“, додаде претседателот на ВМРО-ДПМНЕ.

Нови вести

Заев лажеше дека прв прв го пријавил случајот и застанал на страна на рекетарите

Daniela

Претпладне сонце, попладне дожд и грмежи

Daniela

Сообраќајот на патиштата се одвива по суви коловози

Daniela