February 20, 2020 22:46
Магазин

(Видео) Крадец прекина грабеж за да спаси деца кои ќе ги прегазеше автомобил

Словачката полиција објави необична снимка од сообраќаен инцидент  во Братислава.

Тие посочија дека станува збор за автентичен видеозапис и додадоа дека сè се случило во вторникот.

Како што се гледа на видеото, две деца минуваа на пешачки премин, а кон нив се движепе автомобил кој најверојатно ќе ги удреше и тешко ќе ги повредеше, доколку не ги спаси човек кој бил во близина и видел што се случува.

Според информациите од полицијата, човекот кој ги спасил децата, ограбувал продавница во близина, но се откажал од грабежот и тргнал во спасувачка акција.

Децата минале со полесни повреди, а арамијата избегал. Полицијата соопшти дека истрагата е во тек.