Во центарот на Виена попладнево се одржуваат бројни протести на противниците на ковид-мерките и задолжителната вакцинација, поради што многу улици се затворени за сообраќај.
Според полицијата, повеќе од 10.000 демонстранти учествуваат во демонстрациите кои се движат по централната Ринг улица.
Полицијата посочува дека веќе имало неколку апсења поради давање отпор. Атмосферата на протестите е многу тензична и постојано има судири со полицијата.
Попладневниот протест започна со собир на левичарите кои демонстрираа против давање можност на неонацистите да го релативизираат холокаустот и да ги шират нивните идеи преку учество во протести против коронавирус.
Vienna, Austria – Police try and block the demonstration but the people stand together and break the lines pic.twitter.com/8FpxXVCINb
— Deleuze (@Kukicat7) December 4, 2021
А на тој собир имаше туркање со полицијата и фрлање со предмети кон обезбедувањето, кое се обиде да ги пренасочи учесниците за да не стапат во контакт со други поворки.
Полицијата беше принудена да користи бибер спреј.
Vienna, Austria… pic.twitter.com/Xzll4XzPN6
— Deleuze (@Kukicat7) December 4, 2021