December 9, 2021 02:57
Магазин

(Видео) Бродови потонати во битката за Иво Џима испливаа од морското дно по речиси 80 години во Јапонија

Дури 24 бродови што беа потонати за време на битката за Иво Џима, во која Американците и Јапонците се судрија во последните месеци од Втората светска војна, испловија од морското дно на брегот на Иво Џима.

Причина за ненадејното појавување на бродоломи е движењето на морската почва поради активноста на вулканот Сурибахи, пишува „Дејли мејл“.

Снимките на јапонскиот весник „Ал Нипон“ покажуваат остатоци од трупот на 24 транспортни бродови што беа заробени од Американците, а потоа преместени во западниот дел на Иво Џима, за да послужат како основа за формирање на пристаниште што не постоело на островот во тоа време.

Овие бродови служеле како заштита од бранови и ветер за американските бродови, војниците, оружјето и опремата.

Неколку децении подоцна, сеизмичката активност на вулканот Сурибахи, кој се смета за еден од најактивните во Јапонија, го подигна морското дно, а со тоа и бродовите.

Денес нема жители на островот, но има јапонски вооружени сили кои дошле таму откако Американците го вратиле островот под контрола на Токио во 1968 година.