December 2, 2022 11:40
Балкан

Весељи: Битката во Хаг ќе биде триумфална

Претседателот на Демократската партија на Косово, Кадри Весељи изјави дека неговата битка, која ќе ја води заедно со косовскиот претседател Хашим Тачи во Хаг, ќе биде триумфална.

Тој на Фејсбук напиша дека Косово ќе излезе како победник од таа битка, затоа што, како што рече, војната на т.н. ОВК била праведна.

„Оваа битка за Косово ќе биде триумфална, во која повторно ќе бидам со мојот брат во војната, Хашим Тачи. Затоа што нашата ослободителна војна исто така беше исправна и триумфална. Сонцето повторно ќе изгрее”, напиша Весељи.