December 6, 2019 21:27
Спорт

Вардар убедливо поразен од Кјелце во ЛШ

Европскиот ракометен шампион Вардар доживеа тежок пораз на гости кај Кјелце со 35-25 (17-14) во дуел од осмото коло од Лигата на шампионите.

Иако имаа доста проблеми со составот, вардарци се држеа добро во првото полувреме и го завршија со 3 гола негатива. Падот во играта беше евидентен во второто полувреме, кога домаќинот го засили ритамот.

Полјаците го имаа одличниот Волф на голот, а на десетина минути пред крајот поведоа со 28-21, разлика која докрајот ја зголемија на +10 за конечни 35-25.

Дибиров заврши со 9 гола кај скопскиот тим, додека за победниците Каралек и Карачиќ се истакнаа со по шест гола.

На табелата води Кил со 13 бодови, следуваат Веспрем и Кјелце со 10, додека Монпелје и Вардар освоија 9 бодови, но Французите имаат натпревар помалку.

Следен дуел за „црвено-црните” во најпрестижното ракометно натпреварување во Европа ќе биде на гости кај Мешков Брест.

Нови вести

Валверде за Меси: После 30 години, нормално е да се појават мисли за пензионирање

Filip

Чеферин за идејата на Перез за Суперлига: Тоа е себично, ќе го уништи фудбалот!

Igor

Сари: Не можеме да играме со Роналдо, Дибала и Игуаин во исто време

Filip