Свет

Ван дер Белен повикува на трпеливост во однесувањето со Русија

Австрискиот претседател Александар ван дер Белен апелираше на трпеливост во однесувањето со Русија.

„Мораме да имаме нешто што е заедничко за Русите и Австријците, а тоа е трпеливоста. Ништо не донесува очекувањето дека многу тешки проблеми може да се решат за пет минути”, истакна Ван дер Белен пред денешната средба со рускиот претседател Владимир Путин.

Тој, во изјавата за австриската телевизија ОРФ, ги критикуваше САД, велејќи дека нормалната дипломатија предвидува заеднички разговори и обид да се стави во „кожата на другиот”.

„Сепак, постојат земји кои не го следат овој пат, и јас не мислам дека тоа е добро“, рече Ван дер Белен, алудирајќи на американската администрација.

Австрискиот претседател денеска ќе се состане во Сочи со шефот на руската држава, а за време на неговиот работен состанок, како што најави, ќе стане збор за меѓународни прашања, како што се Кина и Иран.

Потоа, Ван дер Белен и Путин ќе отворат билатерален форум за дијалог на граѓанското општество „Сочи дијалогот”.

Нови вести

Земјотрес од 5,1 степен ја погоди Јапонија, нема предупредување за цунами

Daniela

Во Кина има речиси милион здравствени установи

Daniela

Лион: Најмалку 13 повредени во експлозијата на пакет-бомба

Daniela