October 21, 2020 14:37
Балкан

Бугарската социјалистичка партија по првпат избира претседател на директни избори

Членовите на Бугарската социјалистичка партија (БСП) денеска гласаат за претседател на партијата, што е првпат во поновата историја социјалистите да изберат шеф на партијата преку директни избори на членството.

Од прес центарот на БСП информираа дека според податоците на партиските општински изборни комисии од 235 општини, изборна активност за  директен избор на претседател на БСП до 11 часот е 35,72 отсто.. Сепак, ЦИК на партијата сè уште не знае точно колку луѓе имаат право на глас.

Меѓутоа, едно од главните прашања е токму бројот на социјалисти. Од избирачките
списоците на социјалисти веќе се избришани членовите кои починале, ја напуштиле или се отстранети од партијата.Сепак, Централната комисија за непосредни избори не побара информации од општинските комисии за конечниот број на локални гласачи, посочуваат бугарските медиуми. Според првичните оценки, станува збор за околу 80 илјади социјалисти, а за изборите за шеф на партија да бидат регуларни, треба да гласаат најмалку 50 отсто од нив.

Во трката за претседател останаа четворица кандидати – сегашната лидерка Корнелија Нинова, сега веќе
нејзиниот поранешен партиски заменик Кирил Добрев, пратениците Валери Жабљанов и Красимир Јанков. Жабљанов и Јанков повикаа на бојкот на гласањето. Претходно оваа недела, Георги Тодоров се повлече од трката и неговата регистрација беше избришана.