December 9, 2022 00:03
Македонија

Битиќи до Мицковски: Нема потреба од разговор во 4 очи, зад затворени врати, дојдете на Економски совет

Вицепремиерот за економски прашања Фатмир Битиќи му одговори на лидерот на ВМРО-ДПМНЕ Хрсистијан Мицкоски.

„Нема потреба од разговор во 4 очи, зад затворени врати. Комплексноста на оваа криза од нас бара да се кренеме над себе, бидејќи солидарност, одговорност и колективна мудрост е она што ќе не изнесе низ неа“, напиша Битиќи на Фејсбук.

„Во среда е закажан Економски совет во широк формат, кој се обидовме да биде продуктивен и конструктивен за време на корона кризата. За жал опозицијата таа шанса за покажување на дело грижа и совесност не ги покажа, напротив не се одважи да дојде па започна со блокада, па активна блокада на Собранието.  Граѓаните знаат дека јавно веќе скоро три години ги повикувам на соработка и одговорност, со цел справување со кризата. Еве, повторно, вратите се отворени, решенијата секогаш се наоѓаат на маса на која сите седиме заедно“, додаде Битиќи.