August 13, 2022 19:56
Економија

Берзата во Франкфурт од денеска со подолго работно време

Германскиот берзански оператор Deutsche Boerse од денеска им дозволува на инвеститорите да тргуваат на берзата во Франкфурт до затворање на американскиот пазар.

Продолжувањето на трговската сесија за два часа (до 22 часа по локално време) може да и донесе на Берзата поголем обем на трговија, но и да ги зголеми неговите трошоци.

Во Германија, берзанските брокери сега можат да тргуваат дотогаш, па дури и подоцна, преку платформи управувани од локалните брокерски куќи Tradegate и Lang & Schwarz, кои ги користат професионалци и инвеститори на мало. Продолжувањето ќе го опфати тргувањето со акции, со тргувани фондови (ЕТФ) и со заеднички фондови. Тоа е овозможено со новата платформа што ја воведе германската клириншка куќа Eurex во септември оваа година, додаде берзанскиот оператор.

Одлуката е најновиот потег на администраторите на глобалните берзи за зголемување на приходите преку овозможување тргување во различни временски зони. Некои места, како што е Московската берза, веќе го продолжија работното време за да привлечат клиенти од Азија. Други, како што е Токиската берза, се уште преземаат чекори во таа насока.

Паневропскиот берзански оператор Еуронекст минатата недела објави дека нема планови за подолга трговска сесија. Во 2020 година го отфрли предлогот за намалување на тргувањето, чија цел беше да се подобри ликвидноста, како и благосостојбата на трговците.