August 23, 2019 17:55
Македонија

Белгискиот авиопревозник „Брисел ерлајнс“ од јуни почнува со летови до Охрид

Белгискиот авиопревозник „Брисел ерлајнс” од 17 јуни оваа година ќе лета до Охрид, велат од  Агенцијата за промоција и поддршка на туризмот.

На нивната официјална веб-страница Охрид е промовиран како еден од оние градови што никогаш не се забораваат. Дестинацијата ја гледаат како вистински дијамант кој сѐ уште не е откриен од масовниот туризам. Охрид го доживуваат како можност за поинакво искуство каде ќе можат да се најдат рурални предели со уникатни пејсажи, прошетки по магичното езеро, плажи, бесконечно калдрмирани улици, а пред сè, место со наследство под заштита на УНЕСКО.

Директоорт на Агенцијата за туризам, Љупчо Јаневски, потенцира дека бројот на туристи од Белгија продолжува да расте во континуитет. Во 2018 во споредба со 2017 година, растот на белгиски туристи во Македонија во период јануари-ноември е зголемен за 33 проценти, додека бројот на остварени ноќевања бележи раст од 25 отсто.

Агенцијата за промоција и поддршка на туризмот од вчера ги претставува туристичките потенцијали на Македонија на Интернационалниот саем за туризам во Брисел Salon des Vacances. Саемот за туризам е посетен од страна на 105.000 посетители од 800 дестинации и 350 егзибитори.

Нови вести

Тутунски комбинат Прилеп очекува да ја заврши годината со добивка

Filip

Германија ја заврши постапката за ратификација на протоколот за НАТО

Filip

Арсовски: Зошто сѐ уште не е викнат на распит синот на Јанева?

Filip