December 6, 2019 19:07
Македонија

Беким Асани активистот за права на ЛГБТИ заедницата излезе со поддршка на премиерот Заев

Беким Асани активистот за права на ЛГБТИ заедницата излезе со поддршка на премиерот Заев

Активистот за права на ЛГБТИ заедницата, Беким Асани, излезе со поддршка за премиерот, Зоран Заев, кој наиде на остри реакции и осуда кај јавноста по вчерашната изјава каде вели дека нема да дозволи „криминалци, суетен новинар и еден педер“ да ја срушат власта. Асани се повикува на толкувањето на зборот „педер“, кој во речникот на македонскиот јазик се преведува како никаквец и подлец.

-Воопшто не се чувствувам навреден, како може оваа власта, која за две години направи толку многу за ЛГБТИ, сега така остро да се напаѓа. Во македонскиот речник јасно се знае што значи „педер“ и нема потреба да се чувствувам навреден. Мене по десет пати на ден ме викаат „педер“ на улица – вели Асани.

Тој потсетува на поддршката на актуелната Влада кон ЛГБТИ заедницата и законските регулативи кои ги унапредуваат нивните права. Асани посочува дека неодамна на предлог на Владата беше донесен Закон за заштита од дискриминација каде се внесени сексуалната ориентација и родовиот идентитет како основи за дискриминација. Неодамна, потсетува тој, беше одржата и правата парада на гордоста во земјава.

-Заев и неговите министри континуирано не поддржуваат и присуствуваат на наши настани. Не е коректно да се напаѓа така фронтално, а да се заборави што се направи. Оваа земја е лидер во почитување на ЛГБТИ правата – вели Асани кој смета дека нема да се намали поддршката на ЛГБТИ заедницата кон Заев.

Нови вести

Венецијанска комисија препорача да се преиспита законот за јазиците и напуштање на одредбите за двојазичност во судските постапки

Filip

Заменик-министерот Павлески работно ги посети Градско и Демир Капија

Filip

Филипче за НОВА: Бев во домот на Јовановски, од средбата не излезе ништо

Filip