October 21, 2020 12:53
Магазин

„БАФТА“ воведува нови номинации среде полемика за различностите

Британските филмски награди, „БАФТА“, кои се своевиден еквивалент на американските „Оскари“, ќе имаат повеќе номинации следната година во обид да ја зголемат различноста на sвездите и на креаторите на филмови кои треба да ги добијат сите почести кои ги заслужуваат.

Сите четири актерски категории, како и наградата за најдобар режисер ќе имаат шест номинирани, наместо вообичаените пет.

Десет наслови ќе бидат во конкуренција за највисоката британска награда за филм – четири повеќе од вообичаените шест.

На почетокот на оваа година, „Бафта“ доби остри критики по објавувањето на листата на номинирани актери, а на која сите беа белци.

Во меѓувреме, ниту една жена не беше номинирана за наградата најдобар режисер веќе седма година.

Организаторите извршија детален преглед како резултат на критиките, и рекоа „ќе се обидат да таргетираат“ 1.000 нови членови со право на глас од недоволно застапените групи.

Овој потег, како што рекоа, е еден во низата чекори „да се обезбеди порепрезентативно и поинклузивно членство што го рефлектира денешното британско општество“, пренесуваат британските медиуми.