October 21, 2020 13:36
Спорт

Баерн го декласира Шалке со 8:0 на отворањето од новата сезона во Бундеслигата

Актуелниот европски и германски фудбалски шампион, Баерн Минхен, убедливо тргна кон одбрана на трофејот во Бундеслигата.

Баварците вечерва на отворањето на новата сезона во Германското фудбалско првенство, забележаа убедлива победа над Шалке 8:0.

Головите ги постигнаа: Серж Гнабри – три, Роберт Левандовски, Леон Горетцка, Томас Милер, Лерој Сане и Џамал Мусиала.

Другите натпревари од 1. коло се играат утре и в недела.