January 25, 2020 21:22
Свет

Апсења во Хонг Конг заради вандализам

Полицијата на Хонг Конг соопшти дека уапсила три лица кои се доведуваат во врска со вандализмот во квратот на градот Каулун. Полицијата соопшти дека се уапсени едно 15-годишно девојче, 16-годишно момче и еден 29-годишник заради уништување на градските автобуси. Четвртото осомничено лице е во бегство, соопшти полицијата пренесена од британските медиуми.

Според полициските извештаи, четворицата влегувале во автобусите, ги притискале копчињата за итни случаи, а потоа почнувале со кршење на прозорците со чекани.

Пријавено е и дека пет лица фрлиле Молотови коктели во еден јапонски ресторан, но дека во инцидентот нема повредени.

Исто така е пријавено и дека некои лица предизвикале пожар на улица во дел од градот што честопати е место на жестоки судири на демонстрантите и полицијата во текот на последните шест месеци, колку што траат протестите во градот.

Нови вести

Ватикан го повика ирачкиот претседател да ги заштити христијаните во таа земја

Igor

Двајца од тројцата заболени во Франција пристигнале на аеродром без симптоми

Igor

Москва ќе брка бугарски дипломати откако Софија протера двајца Руси поради шпиунажа

Igor