October 15, 2019 19:09
Економија

Анѓушев: Платите растат како резултат на растот на економијата

Вицепремиерот задолжен за економски прашања, Кочо Анѓушев, на новинарско прашање посочи дека растот на економијата е резултат на растот на индустриското производство, градежништвото, земјоделството и трговијата и дека сето тоа делува и на природен раст на платите.

„Државниот завод за статистика денес објави дека бруто просечата плата во јули 2019 година во однос на истиот месец лани порасна за 5,5%, додека нето просечната плата е зголемена за 4,3%, а просечната нето плата веќе изнесува над 25 илјади денари. Растот на платите не е возможен без да индустријата расте. Се радувам што растот на бруто домашниот производ, кој во последните квартали е особено позитивен, е базиран на работата на реалниот сектор. Сите економски параметри се компатибилни, речиси со ист процент растат платите, индустриското производство, како и приходите во буџетот и тоа е една логична целина“, истакна вицепремиерот Анѓушев на новинарско прашање.

Нови вести

АД ГЕС-СКОПЈЕ ја започна постапката за добивање на лиценца за дистрибуција на топлинска енергија

Igor

Се разгледува можноста за авиолинија Скопје – Тел Авив

Valentina

Раст на прометот на индустријата на годишно ниво

zane