February 3, 2023 20:38
Македонија

Американски тим за санкции ќе истражува корупција кај функционери во Македонија

Тим за санкции од Вашингтон пристигна во земјава и поагресивно ќе истражува корупција кај бивши и сегашни функционери, објави американската амбасадорка Анџела Агелер на Твитер.

„Тимот за санкции од Вашингтон е тука за поагресивен поглед на минатите и сегашните корумпирани актери и да ги разгледа сите можни одговори. На правосудниот сектор во Северна Македонија му требаат повеќе истраги, гонење за да се покаже дека никој не е над законот“, напиша Агелер.

Амбасадорката на САД пред неколку дена на настан по повод одбележувањето на 30 – годишнината од партнерството на УСАИД – Американска агенција за меѓународен развој со Северна Македонија, изјави дека корупцијата продолжува да го кочи напредокот на земјава.

Претходно и американскиот заменик-помошник на државниот секретар, Габриел Ескобар, изјави дека американските санкции за корумпираните политичари од Балканот имаат ефект и дека САД ќе продолжат со санкционирање корумпирани функционери од регионот.

Поврзани вести

Дизелот поевтинува за два денари, цената на бензините останува иста

Igor

По едномесечна пауза повторно дојави за бомби

admin

Антикорупциска бара кривично гонење на Мојсоски за злоупотреби на ваучер системот

Igor