December 4, 2022 19:46
Спорт

Американските кошаркарки ја одбранија светската титула

Кошаркарките на Соединетите Американски Држави ја одбранија титулата светски првак, откако во денешното финале во Сиднеј ја совладаа Кина со 83-61.

За американските кошаркарки ова е 11. светска титула, а четврта во низа, до која дојдоа на убедлив начин со победи на сите осум натпревари.

Најубедлив беше триумфот во групната фаза против Јужна Кореја (145-69) со што САД постави нов светски рекорд според бројот на постигнати кошеви.

Со поразот во финалето, Кина, пак, го совои вториот сребрен медал на светските првенства, а во колекцијата има и една бронза.

Претходно во натпреварот за третото место, домаќинот на Светското првенство, Австралија, ја совлада Канада.