February 23, 2019 20:25
Свет

Американец починал од срцев удар кога му експлодирала Е-цигарата

Дваесет и петгодишен Американец од Тексас починал кога му експлодирала е-цигарата што ја пушел и му ја раскинала каротидната артерија, пренесе Си-ен-ен.

Како што е наведено од болницата каде што бил пренесен, тој умрел од церебрален инфаркт и хернијација бидејќи остатоци од експлозијата му ја расекле каротидната артерија и делови се заглавиле во грлото.

Несреќата се случила на 27 јануари на паркинг пред продавница за е-цигари, вајп-пенкала и течности. Директорот на компанијата изјавил дека повикал брза помош веднаш по експлозијата. Вилијам Браун отишол во продавницата за да праша како да ја користи својата е-цигара, а ништо не купил, рекле од компанијата.

Браун бил пренесен во болница, а неговото семејство рекло дека бил во кома и дека на рендгенските снимки бил забележан дел од е-цигарата заглавен во неговото грло.

„Тоа поминало преку неговата уста и му ја пресекло. Влегло во грлото и останало таму“, рекла баба му.

Е-цигарите и вајп-пенкалата се уреди на батерии кои загреваат течност за да создадат аеросол кој може да се инхалира како и обичниот чад од цигарата. Течноста обично содржи никотин и може да има арома, сооптши Центарот за контрола и превенција на болести.

Медиумите објавиле 195 одделни инциденти со случаи на пожари и експлозии на е-цигари во САД од 2009 до 2016 година, се наведува во извештајот на Американската управа за пожари.

Related posts

Венецуела им го продолжи рокот за напуштање на земјата на дипломатите на САД

Igor

Меј: Дајте ми поддршка за да ја завршам работата

Filip

ОН не може да ја процени правичноста на судењето за Кашоги во Саудиска Арабија

Valentina