March 27, 2019 02:27
Македонија

Алијансата за Албанците ги поддржа уставните промени

Како проевропски определена сила, Алијансата за Албанците не само што ги поддржа, туку беше и составен дел на уставните промени, поддржувајќи го референдумот и гласајќи во Собранието за Договорот од Преспа, кој се однесуваше на Договорот помеѓу Грција и Македонија за решавање на спорот со името.

Алијансата за Албанците активно учествуваше во овој процес уште од потпишувањето на Договорот од Преспа на 12 јуни 2018 година, уверувајќи истовремено дека главните загрижувања на Албанците во Република Македонија ќе се посочат при предлагање на уставни амандмани.

Како конструктивна опозиција, обезбедивме да духот на Уставот ја промовира целосната еднаквост помеѓу сите заедници во земјата, штитејќи го во него идентитетот на Албанците во одредбите кои се однесуваат на преамбулата и на прашањето за државјанство.

Алијансата за Албанците, исто така, во рамките на уставните измени успеа да направи измени во Уставниот закон, при што Северна Македонија и правно се граничи со Република Косово.

Исто така го очекуваме крајот на ратификација на Преспанскиот договор од страна на нашите  соседи Грци, го повикуваме премиерот Заев да рефлектира врз историската задача пред нас. Периодот на простување на неговата влада, заврши денес.

Нашите меѓународни поддржувачи во Европската Унија и Соединетите Американски Држави, имаат инвестирано невидени ресурси за да обезбедат Република Македонија да пристапи во НАТО и во Европската Унија, далеку од Русија и од други влијанија од истокот, времето на пофалби заврши денес. Истото важи и за нашите граѓани кои подолго време ја толерираа корупцијата и сиромаштијата во полза на поголема кауза.

Почнувајќи од утре, нашата држава има помалку од пет месеци пред Европскиот совет во јуни 2019 година да иницира и спроведе сеопфатни реформи за враќање на владеењето на правото, ефикасна борба против корупцијата, обезбедување независност во судството, како и деполитизација на јавната администрација.

Секое потфрлување во постигнување на значајни и конкретни резултати во погоре наведените приоритети, ќе им даде силни аргументи на земјите-членки на ЕУ кои се скептични кон проширувањето, за да уште еднаш го одложат отворањето на преговори за членство во ЕУ за нашата земја, по европските избори кои се очекува да ги зајакнат евроскептичките и анти-имиграциските сили низ целиот континент.

Покрај тоа, сега кога Договорот од Преспа е позади нас, нашите граѓани нема повеќе да толерираат празна реторика за реформи. Тие сакаат работни места, економски раст, владеење на правото и враќање на надежта, така што иселувањето да не биде повеќе единствената перспектива која им се нуди.

Сепак, јасно е дека влада која е заснована на половина од режимот на Груевски и каде што низа министри или се под истраги за коруптивни афери или биле вклучени во судир на интереси и злоупотреби на државни пари, не може да ја тера напред една таква агенда.

Вонредните состојби бараат вонредни мерки. На Македонија сега и се потребни нови избори за да се обезбеди влада која има легитимност и смелост да преземе сеопфатна трансформација на земјата во вистински европски дух.

Нови вести

ВМРО-ДПМНЕ демантира: Амандманите на Дескоска ѝ се пратени во 16.19 часот

Igor

(Фото) Менкиноски и ги доставил амандманите на Дескоска во 20.19 часот

Igor

Заев: Нови рекорди на странски инвестиции – 624,5 милиони евра

Igor