January 16, 2019 00:51
Спорт

Абрамович требало да го купи Арсенал, а не Челзи

Рускиот милијардер Роман Абрамович требало да го купи Арсенал пред 16 години, а не Челзи, информира „Сан”. Меѓутоа, бизнисменот бил измамен од швајцарски банкари. Откритието е направено во нова книга, напишана од двајца новинари на „Волстрит журнал”.

Според напишаното, во 2003 година Роман Абрамович најмил швајцарски специјалисти за да ја проучат економската реалност во англискиот фудбал. Еден од заклучоците бил дека „Арсенал категорично не се продава”. Наместо тоа, богаташот се насочува кон Челзи и дава понуда од 140 милиони фунти.

Во книгата, исто така, се вели дека поранешниот потпретседател на Арсенал, Дејвид Деин, верувал дека сопствениците на клубот би биле склони да го продадат клубот, ако Абрамович упател понуда.

Новинарите пишуваат уште дека Роман Абрамович се сретнал и со потпретседателот на Тотенхем за понуда, но додека лимузината му минувала по улицата близу стадионот, тој рекол на руски јазик: „Тука е полошо од Омск”.

Related posts

АМС и Владата започнаа процес на консултативни средби со младинските организации за подобрување на младинските политики

24news

Гатузо: Ја преземам одговорноста за елиминацијата

Filip

Нов кикс на „Баерн“, „Борусија“ сигурна против „Волфсбург“

Igor