September 26, 2022 19:03
Магазин

Судски документи откриваат дека Херд му го скинала прстот на Деп

Неодамна објавени документи од судскот спор во кој Џони Деп ја тужеше поранешната сопруга Амбер Херд за клевета, откриваат дека сестрата на Амбер ѝ рекла на својата шефица дека Амбер му го отсекла врвот на прстот на Деп кога го гаѓала со шише вотка.

Деп во април сведочеше дека тој и Амбер се скарале во Австралија во 2015 година и дека во еден момент таа му фрлила шише со вотка, отсекувајќи му го врвот на прстот. Херд негираше и тврдеше дека Деп се повредил додека бил пијан.

Сега, 6.000 страници судски документи што беа отворени за јавноста од страна на судот во Ферфакс минатиот викенд, откриваат детали од сведочењето на Џенифер Хауел, поранешна шефица на сестрата на Амбер, Витни. Таа била со неа кога добила порака од Херд во која ѝ раскажувала за кавгата со Деп, пренесува „Њујорк пост“.

„Врескаше, го направи тоа, му го исече прстот и ни кажа на сите. Потоа рече: морам да повикам некого,“ ѝ рекла Џенифер на адвокатката на Деп, Камил Васкез.

Деп во текот на судењето призна дека го излажел докторот за околностите на повредата.

„Реков дека го скршив од хармоника-врата. Не сакав да ја доведам Амбер во неволја. Се обидов да направам сè за да биде поедноставно и полесно за сите,“ изјави актерот.