October 5, 2022 14:27
Свет

Пелоси: Кина нема да ни ја прави агендата на патувања

Претседателката на Претставничкиот дом на американскиот Конгрес, Ненси Пелоси, денеска изјави дека Кина нема да ја прави агендата за патувања за функционерите на САД, алудирајќи на нејзината неодамнешна посета на Тајван во рамките на нејзината азиска турнеја.

-Нема да дозволиме да го изолираат Тајван. Тие не ја прават нашата агенда на патувања, а партнерството меѓу САД и Тајван е силно, рече Пелоси, пренесе Гардијан.

Пелоси потврди дека Кина се обидела да го изолира Тајван и дека нејзината посета на Тајпеј е „изговор Пекинг да спроведе воени вежби во близина на островот”.

-Кина се обиде да го изолира Тајван. Можеби ќе се обидат да го спречат Тајван да учествува на други места, но нема да го изолираат Тајван со тоа што ќе не спречат да дојдеме овде, додаде Пелоси во Токио, на крајот од нејзината посета на Индо-Пацификот.

Високата американска функционерка додаде дека САД од самиот почеток нагласиле дека доаѓањето на американската делегација на Тајван нема за цел да го промени статус квото во Азија или статус квото на Тајван.

-Мојата цел е да се обезбеди мир во Тајванскиот теснец, да се надмине статус квото, рече таа