September 26, 2022 18:47
Свет

Мишел: Брод со украинско жито ќе се упати кон Африка

Претседателот на Европскиот совет, Шарл Мишел најави дека првиот брод со жито за Африка ќе ја напушти Украина како дел од Светската програма за храна.

Тој додаде дека бродот ќе натовари жито во едно украинско пристаниште, по што ќе се упати кон Етиопија.

Соработката на сите клучни актери е од клучно значење за да се избегне недостиг на храна и глад низ целиот свет, истакна Мишел.

Бродот ќе однесе повеќе од 23 милиони килограми жито од Украина во Етиопија, што ќе биде првиот чекор за ублажување на кризата со снабдување со храна предизвикана од руската инвазија врз Украина.