August 10, 2022 22:49
Свет

Зеленски барал да разговара со кинескиот претседател

Украина бара шанса директно да разговара со кинескиот лидер Си Џинпинг со цел да се помогне да се стави крај на војната со Русија, изјави украинскиот претседател Володимир Зеленски за Саут Чајна Морнинг Пост (South China Morning Post).

Тој ја повика Кина да го искористи своето големо политичко и економско влијание на Русија за да стави крај на борбите.

„Кина е многу моќна држава. Тоа е моќна економија. Па, може политички, економски да влијае на Русија. А Кина е постојана членка на Советот за безбедност на Обединетите Нации”, тврди Зеленски.

Украинскиот претседател додаде дека официјално побарале разговор со Си, но, досега, нив ните барања за разговори завршувале неуспешно.