September 26, 2022 18:23
Спорт

Втора победа за македонските кадети на ЕХФ-шампионатот во Летонија

Македонскатакадетска ракометна репрезентација го победи Косово со 39:16 на ЕХФ-шампионатот во Летонија. „Црвено-жолтите” предводени од селекторот Раде Стојановиќ беа надмоќни во однос на ривалот и заслужено стигнаа до убедлив триумф и пласман во следната фаза.

Најефикасен во македонскиот состав беше Александар Петковски со девет погодоци.

Ова беше втора победа за Македонците по вчерашниот успех на мечот со Турција.

Следен противник на македонските ракометари ќе биде домашната селекција на Летонија. Оваа средбата ќе одлучува за првото место во групата А2.