September 28, 2022 13:47
Спорт

Алфонсо Дејвис, кој е роден во бегалски камп, ќе ги донира парите од СП

Канадската фудбалска ѕвезда на Баерн Минхен, Алфонсо Дејвис ќе ги донира сите пари од Светското првенство во добротворни цели, потврди на социјалните мрежи.

„Канада ми посака добредојде мене и на моето се семејство и ни даде шанса за подобар живот. Ми дозволи да го живеам мојот сон и затоа сакам да вратам на Канада. Вистинска чест е да се носи националниот дрес, и затоа решив цела заработувачка од СП да ја донирам во добротворни цели“, вели Дејвис.

21-годишниот бек на Баерн е роден во бегалски камп во Гана, каде што неговите родители избегаа од граѓанската војна во Либерија, и се преселија во Едмонтон, Канада, кога тој имаше само 5 години.