December 6, 2022 21:37
Балкан

Ќе се отворат 12.000 работни места во Драч

Во соседна Албанија ќе се отворат 12.000 работни места. За 2 милијарди долари, Албанија во Драч прави „втор Дубаи“. Инвеститорот Мухамед Ел Алабар вели дека ќе направат нешто толку добро, така што луѓето нема да сакаат да си заминат од Драч и од Албанија.

Потпишан е меморандум за соработка меѓу двете компании кои ќе со реализираат проектот „Durrës Yachts & Marina“, инвестиција вредна 2 милијарди долари.

Премиерот на Албанија, Еди Рама рече дека марината во Драч ќе го отвори патот за целото албанско крајбрежје, а не само за Драч и оти со реализација на проектот „Драч ќе биде близнак на Дубаи“. Додаде дека со овој историски договор за изградба на најголемото медитеранско туристичко пристаниште, постигнат по тригодишни разговори, албанската држава ќе биде акционер.