Македонија

Министерот Ахмедовски се сретна со градоначалникот на Шуто Оризари

Министерот Ахмедовски се сретна со градоначалникот на Шуто Оризари

Министерот без ресор за координација и имплементација на Стратегијата за Роми 2014-2020, Аксел Ахмедовски и градоначалникот на општина Шуто Оризари, Курто Дудуш на денешната средба разговарале за тековни и планирани активности и проекти кои се однесуваат на инфраструктурата во населените места во оваа општина. 

Како што соопшти Кабинетот на министерот Ахмедовски, заеднички била констатирана потребата од финансиски средства за реализација на проектите што ќе овозможат подобри услови за живот на оваа заедница.

Како дел од активностите кои ги предвидува оваа општина, според градоначалникот Дудуш, се асфалтирањето на неколку улици и изградба на објекти со станови на лица со социјален ризик и други ранливи групи.

На средбата Ахмедовски ја потенцирал потребата од усвојувањето на Локалниот акциски план за подобрување на состојбата на Ромите во рамки на сите приоритетни области.

– Во однос на активноста за донесување Детален урбанистички план, чие недонесување претставува пречка за изградба на заграда со социјални станови наменети за ранливите групи, беа дискутирани можностите за обезбедување финансиски средства за негова изработка со поддршка на Министерството за транспорт и врски, се наведува во соопштението.

Министерот бил информиран и за планираната изградба на нова градинка на местото на опожарената градинка, а потоа ги посетил местата кои имаат супстандардни услови за живот во оваа општина (Врањачка Буна).

 

Related posts

Родители на момчињата убиени кај Смилковско езеро изреволтирани од одлуката на Врховен суд

24news

Мицковски:Очекувам дека ниту еден пратеник нема да оди спротивно на волјата на народот!

24news

Шилегов на митинг во Белград: Пред една година ја ослободивме Македонија

24news