Фудбал

Јусеин Болт утре ќе тренира со фудбалерите на Борусија Дортмунд

Славниот атлетичар од Јамајка, најбрзиот човек на светот, Јусеин Болт, утре ќе тренира со играчите на германскиот бундеслигаш Борусија Дортмунд, а настанот го најави како проба во обидот да започне фудбалска кариера.

 

Неприкосновениот спринтер и светски рекордер на 100 и 200 метри, Болт, на својот Twitter профил објави порака до играчите и навивачите на Дортмунд, потврдувајќи дека ќе присуствува на утрешниот тренинг.

„Борусија Дортмунд, бидете подготвени во петок“, порача Болт и додаде дека не се шегувал кога зборуваше за своите фудбалски аспирации.

Управата на Борусија Дортмунд исто така потврди дека 31-годишниот Болт утре ќе тренира со тимот и дека тренингот ќе биде отворен за јавност.

Големиот навивач на Манчестер Јунајтед Болт, ја заврши атлетската кариера после минатогодишното Светско првенство, а порано најави дека ќе тренира со Борусија, за да слушне мислење околу својот фудбалски талент.

„Знам дека нема да се засрамам, ако ми кажат дека сум добар и ми треба малку тренинг, ќе продолжам“, изјави осумкратниот олимписки и единаесеткратниот светски атлетски првак Јусен Болт.

Related posts

СП 2018: ФИФА потврди дека нема ниту еден случај со допинг

24info

На Бејл не му недостига Роналдо:Сега сме опуштени, работиме за тимот,а не за еден играч

24info

Полицијата тврди: Имаме доволно докази против Роналдо

24info